वर्डप्रेस काठमाडौँ अप्रिल मिटअप सम्पन्न

वर्डप्रेस काठमाडौँको अप्रिल मिटअप सम्पन्न भएको छ । यहि आईतबार अप्रिल २ तारिक अर्थात् चैत्र १९ गते काठमाडौँ बर्नहार्ड कलेजमा भएको हो । करिब ५० जना कलेजका विद्यार्थी र वर्डप्रेस काठमाडौँका अभियान्ताहरु बीच उक्त कार्यक्रम भएको थियो । मिटअपलाई प्रविन झाले सहजीकरण गर्नु भएको थियो । उहाले विद्यार्थी माझ वर्डप्रेस के हो, थिम र प्लागिन के हो, वर्डप्रेसमा सजिलै कसरी वेबसाइट बनाउन सकिन्छ भनेर सिकाउनु भएको थियो ।

साथै उहाले डोमेन किन्ने प्रक्रिया, आफ्नो कम्पुटरमा भएको वेबसाइटलाई कसरी सर्भरमा सजिलै हाल्ने भनेर पनि सिकाउनु भएको थियो । सबै सहभागी विद्यार्थीहरुले उक्त प्रक्रियालाई ध्यानपुर्बक हेरेका थिए ।

वर्डप्रेस काठमाडौँका सुरेन्द्र श्रेष्ठले वर्डप्रेस काठमाडौँ के हो, कसरी काम गर्छ र अब हुन लागेको वर्डक्याम्पको सम्बन्धमा पनि सहभागीहरुलाई जानकारी गराउनु भएको थियो ।

सहभागी विद्यार्थीहरुले यस किसिमको कार्यक्रमले पढाई र सिकाईमा महत्वपुर्ण सहयोग हुने र आगामी दिनमा पनि अन्य मिटअपमा सहभागी हुने इच्छा देखाएका छन् ।

थप जानकरीको लागि यहाँ हेर्नुहोस

तस्बिरहरु:

वर्डप्रेस बुटवल फेब्रुअरी मिटअप – वर्डप्रेसलाई नेपालीमा अनुवाद गर्दै

वर्डप्रेस बुटवलले “वर्डप्रेस बुटवल फेब्रुअरी मिटअप २०२२” आयोजना गर्ने भएको छ । यस वर्डप्रेस बुटवलको मासिक मिटअप वर्डप्रेसलाई नेपाली वा नेपालमा बोलिने अन्य कुनै भाषामा अनुवाद गर्नका लागि केन्द्रित गरिएको छ ।

कार्यक्रम २७ फेब्रुअरी २०२२, आइतबार, ११ AM. (NTP) मा सुरु हुनेछ। तपाईं कार्यक्रम समयमा हामीसँग सामेल हुन स्वतन्त्र हुनुहुन्छ।

कहाँ?
कार्यक्रम अनलाइन र अफलाइन दुवै मोडमा हुनेछ।
अनलाइन: Google Meet मार्फत।
भौतिक : ईगल आई टेक्नोलोजी // AdsWork Inc, मिलनचोक, बुटवल

अनुवादमा योगदान गर्न थप पढ्नुहोस्:
https://docs.google.com/document/d/wpbtl-translation-handbook

कार्यक्रम तालिका:
आइतबार, २७ फेब्रुअरी २०२२
११:०० AM : वर्डप्रेसलाई कसरी अनुवाद गर्ने भन्ने ’boutमा सत्र
११:३० AM: अनुवाद सुरु हुन्छ
०२:०० PM: कार्यक्रम समापन।

मासिक मिटअपहरू वर्डप्रेस स्वयंसेवकहरू र उत्साहीहरूको स्थानीय समूहद्वारा निःशुल्क आयोजना गरिन्छ। यस मिटअपमा प्रवेश पूर्ण रूपमा नि:शुल्क र सबैका लागि खुला छ। सामान्य रूपमा, तपाईले नेटवर्किङ सत्रहरूमा पनि एकअर्कालाई व्यक्तिगत रूपमा चिन्नुहुनेछ।

महत्वपूर्ण लिंकहरु:
मिटअप: https://www.meetup.com/Butwal-WordPress-Meetup/events
वर्डप्रेस पोलिग्लट टिमको SLACK च्यानल: https://wordpress.slack.com/messages/polyglots

~वर्डप्रेस नेपाली अनुवाद सम्पादक टिम

वर्डप्रेस काठमाडौँ डिसेम्बर२०१६ मिटप

समस्त वर्डप्रेस प्रेमीहरुमा नमस्कार । नेपालीमा वर्डप्रेस प्रोजेक्टलाई अझ द्रुत गतिमा लान हामी तयारी गरी रहेका छौ । नेपालीमा वर्डप्रेसलाई औपचारिक रुपमा अगाडी बढाउन छलफल गरी सबैको साथ लिएर यो प्रोजेक्टलाई सफल बनाउन जुट्न लागेका छौ । यो तपाईहरुको साथ बिना असम्भब छ । आउदो आइतबार २५ डिसेम्बर २०१६ मा वर्डप्रेस काठमाडौँ  मिटप आयोजना हुँदैछ । यहाँको उपस्थितिको अपेक्षा गरिएको छ ।

फेसबुक इभेन्ट : https://www.facebook.com/events/804400663034530/

अनुवाद तथा अन्य छलफलमा सजिलोको लागी Slack मा छुटै रुम निर्माण गरिएको छ ।

https://wpnepali.slack.com/

Slack मा आउन तलको फारम भर्नु अनिवार्य छ ।

दर्ता फारम : https://goo.gl/forms/6kWo4M18rNTl2V8g1

फारम भरिसके पछी तपाईलाई दर्ता हुन इमेल पठाइनेछ । Slack च्यानलमा #translation रुममा जोडिन सक्नु हुन्छ ।

नोट: Slack मा दर्ता हुँदा युजरनेम राख्दा WordPress.org कै युजरनेम राख्नुहोला ।

प्रश्न, सुझाव तथा प्रतिकृयाहरु पक्कै होलान् । मिटपमा प्रतक्ष भेटेर कुरा गरौला । अनि त्यस पछी Slack मा भेटघाट त छदैछ ।

वर्डप्रेस काठमाडौँ, नेपाल जुलाई २०१६ मिटप

यहि आउँदो जुलाई ३१ मा जावलाखेलमा वर्डप्रेस काठमाडौँ, नेपाल जुलाई २०१६ मिटप आयोजना हुँदैछ । जावलाखेल स्थित निक एजुकेसन फाउन्डेसनमा हुने मिटपमा यस पल्ट तीन ओटा शीर्षकमा प्रस्तुति हुनेछ । सौरभ अधिकारी, अमृत बन्जारा तथा निलाम्बर शर्माको प्रस्तुति रहने यस कार्यक्रममा वर्डप्रेसलाई नेपालीमा अनुवाद गर्ने परियोजनालाई फेरी सुचारु गर्न आवश्यक तयारी गरि वर्डप्रेसलाई सातप्रतिशत अनुवादित बनाउन सबै वर्डप्रेस प्रेमीहरुलाई आह्वान पनि गरिनेछ ।

बिस्तृत जानकारीको लागि फेसबुकको पेज हेर्नुहोस्।
https://www.facebook.com/events/1776696202614169/