शिष्टाचार
वर्डप्रेस खुला स्रोत परियोजनामा, हामीले विकास गर्नुभएको समुदाय नै हाम्रो सबैभन्दा ठूलो सम्पत्ति हो भन्ने कुरा हामी बुझेका छौँ। परियोजनाले समग्र रूपमा द क्याथेड्रल एण्ड द बजार बाट लिइएका यस्ता आधारभूत दार्शनिक सिद्धान्तहरूको पालना गर्दछ।
- वर्डप्रेस खुला स्रोत परियोजनामा गरिने योगदानहरू वर्डप्रेस समुदायको सम्पूर्ण फाइदाका लागि हुन्, कुनै विशेष व्यवसाय वा व्यक्तिगत व्यक्तिहरूका लागि होइनन्। योगदानकर्ता रूपमा गरिने सबै कार्यहरू समुदायको सर्वोत्तम हितलाई ध्यानमा राखेर गरिनुपर्छ।
- वर्डप्रेस खुला स्रोत परियोजनामा सहभागी हुन चाहने सबैको लागि खुला छ, क्षमता, सीप, वित्तीय स्थिति, वा अन्य कुनै पनि मापदण्डको पर्वाह नगरी।
- वर्डप्रेस खुला स्रोत परियोजना एक स्वयंसेवक-सञ्चालित समुदाय हो। योगदानकर्ताहरू कम्पनीहरूद्वारा प्रायोजित भएका अवस्थामा पनि, त्यो समय सम्पूर्ण खुला स्रोत समुदायको फाइदाको लागि दान गरिन्छ।
- समुदायका कुनै पनि सदस्यले आफ्नो समय दान गर्न सक्नुहुन्छ र डिजाइन, कोड, दस्तावेज, समुदाय निर्माण आदि कुनै पनि रूपमा परियोजनामा योगदान दिन सक्नुहुन्छ। थप जानकारीका लागि make.wordpress.org मा जानुहोस्।
- वर्डप्रेस खुला स्रोत समुदाय समावेशीताको ख्याल राख्छ। हामी सबैलाई समावेश भएको महसुस गर्न सक्ने स्वागतमय वातावरण कायम गर्ने प्रयास गर्छौँ; भेदभाव, हिंसालाई प्रोत्साहन, घृणाको प्रवर्द्धन, अप्रिय व्यवहार, आदि जस्ता कुराहरूबाट सञ्चारलाई टाढा राखेर।